Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керекДені сау адамның көңіл-күйі көтеріңкі болып, еңбекке әрқашан құлшына кіріседі. Халқымыз «Дені саудың – жаны сау» деп орынды айтқан.
Отанымыздың келешегі, көркеюі – салауатты өмір салтын сақтау қолдауда. Қараңғы үйге кіріп келіп шам жақсаңыз, шам үйді жарық қылады. Көп қызыл гүлдің ішінен бір ақ гүл көрсең, көзің соған түседі. Біздің де өмірімізді жарық қылатын, жан-жағымызға тамаша сәулесін шашатын, өмірдегі басты байлық – денсаулық. Денсаулық – бұл адамның еңбекке белсенді болуы, әрі ұзақ өмір сүруі, тәннің саулығын және рухани саулығын сезіну.
Ағымдағы жылдың қаңтар айының 31 күні "Үржар колледжі" КММ -сі дәстүрлі "Денсаулық" фестивалін атап өтті. Қыстың аязды суық күні колледж студенттері мен оқытушыларына еш әсер етпегендей, сырғанақтан шанамен сырғанап, шаңғымен жарыс ұйымдастырылып, жүлдегерлер марапатталды.
Бұл фестиваль жылдан жылға жалғасын табатын үлкен акцияға айналады деген сенімдеміз.
