Ағымдағы жылдың 16 қаңтар күні Үржар ауданы Үржар ауылы "Жансүгіров атындағы орта мектебі" КММ-де ШҚО төрт жоғары оқу орыны мен он жеті колледж өкілдерінің қатысуымен кәсіптік бағыт-бағдар беру шарасы аясында стенд моб өткізілді.

Іс-шараға ауданымыздың 49 мектебінен 9-10-11 сыныптарынан мектеп бітіруші түлектері қатысты. ШҚО білім басқармасының ұйымдастыруымен, Үржар ауданының білім бөлімінің басшысы С.О. Жунусованың қолдауымен басталған бұл шарадан қалыс қалған мектеп болмады.

"Үржар колледжі" КММ-нің ұстаздары Стенд-мобқа келген 9 және 11 сынып түлектеріне техникалық білім алудың перспективалары және колледжіміз туралы түсіндірме жұмыстары жүргізіліп, таратпа материалдары таратылды.