Әрбір мемлекеттің ұлы құндылықтары болады. Мемлекеттік рәміздерді осы санатқа жатқызуға болады. Жуырда "Nur Otan" партиясының бастамасымен "Менің Туым, менің Отаным!" акциясы басталды.

Қазіргі таңда еліміздің түкпір-түкпірінде мемлекеттік туды насихаттау, дәріптеу акциясы жалғасып жатыр. Бүгін "Үржар колледжі" КММ-де, бұл бастаманы қолдап, туды орнату іс-шарасына қатысып, студенттерді рәміздерді құрметтеуге шақырды. Акцияның мақсаты – мемлекеттік туды насихаттау және қазақстандық жастарды патриотизмге тәрбиелеу, сондай-ақ азаматтардың мемлекеттік туды пайдалануға және орнатуға тыйым салу туралы қоғамда қалыптасқан стереотипті жою болып табылады. Мемлекеттік рәміздерді қадірлеу-Тәуелсіз Қазақстанның әрбір азаматының қасиетті борышы.