«Ұлттың сақталуына да, жоғалуына да себеп болатын нәрсенің қуаттысы - тіл» деп, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күніне орай, «Үржар колледжі» коммуналдық мемлекеттік мекемесінде іс-шаралар өткізілді. Ахмет Байтұрсыновтың өмірі мен шығармашылығына арналған танымдық дәріс мазмұнды бейнероликпен басталып, Байтұрсыновтың қазақ тіл білімінің негізін қалаған еңбектері мен тіл саясаты мен әдебиеттегі рөліне шолу жасалды. Студенттер дәріс барысында өздерін қызықтырған сұрақтарға жауап алды.

Іс-шаралар аясында «Тілі бірдің-туы бір!» атты дөңгелек үстел ұйымдастырылды. Дөңгелек үстелдің мақсаты- тілдердің көптүрлілігі мен олардың қоғамдағы рөлін талқылау, тіл саясаты мен білім беру саласындағы өзекті мәселелерді анықтау, сондай-ақ тілдерді дамыту мен сақтау жолындағы инновациялық шешімдер мен ұсыныстарды қарастыру болып табылады. Дөңгелек үстелге қатысушылар өздерінің тіл , тілдің болашағы , оның қоғамдағы орны туралы өзекжарды ойларымен бөлісті, тіл жайында өлең оқып, қанатты сөздерді мысалға келтірді.