Қараша айының 18-29 аралығында "Менің таңдауым - ветеринария" атты онкүндік өтті.
Мақсаты: Білім алушылардың теория жүзінде алған білімдерін тәжірибемен ұштастыру, малдарды анықтауға дағдыландыру, тиісті пәндерін оқып-үйрену кезінде алған білімдерін бекіту және тереңдету, олардың мамандық бойынша қажетті қабілеттер мен дағдыларға ие болуына, жұмысшы кәсібін алуына жағдай жасау.
Онкүндік қабырға газеттерін шығарумен ашылды. "Ветеринария" мамандығы бойынша оқып жатқан 10 айлық № 11 топ студенттеріне жоспардағы тақырыптар бойынша видеороликтер көрсетілді, ауылдағы ветеринар мамандарымен кездесу ұйымдастырылды, "Жануарлар аурулары" тақырыбында реферат қорғау сайысы және викторина өтті. "Дәрілік заттарды ірі қара малына енгізу" тақырыбында ашық өндірістік-тәжірибелік сабақ, "Аса қауіпті аурулар" тақырыбында кроссворд құрастыру сайысы өтті. Сондай-ақ, студенттер Таскескен ауылында орналасқан "Атамекен" шаруа қожалығының тыныс-тіршілігімен танысып қайтты. Апта соңында "Ауыл шаруашылығындағы экономикалық қарым-қатынас" тақырыбында дөңгелек үстел ұйымдастырылып, онкүндік қорытындыланды.