Ағымдағы жылдың ақпан айының 13 жұлдызында жоспарға сай, "Үржар колледжі" КММ оқытушыларының ұйымдастыруымен Ауған жерінен Кеңес әскерлерінің шығарылғанына 35 жыл толуына орай “Ауғанстан жауынгерлік жүректе” атты мерекелік іс-шараға Таскескен ауылының ауған соғыс ардагерлерімен мәдениет үйінде кездесу өткізілді.
Мақсаты: Өз Отанына шексіз берілген патриоттық рухы жоғары, қайсар жауынгер ағалардың ерлігін үлгі ету; Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу.
Мереке барысында Ауған соғысы ардагерлеріне арналған ескерткішке гүл шоқтары қойылды.
Студенттер мен мектеп оқушылар арасында патриоттық әндер, қол күрес, кір тасын көтеру, АК-74 автоматын толық емес бөлшектеуден сайыстар ұйымдастырылды.
Кеш соңында сайысқа қатысқан студенттер мен мектеп оқушыларын Қоңыршәулі ауылдық округінің әкімі А.Қожаев мақтау қағаздарымен марапаттады.