26-28 сәуір аралығында Алматы облысы, Қонаев қаласында "Балдәурен" Республикалық оқу-сауықтыру орталығында "KitapFest 2023 білім әлемінде " тақырыбы бойынша Республикалық кітапханашылар семинары өтті. Аталмыш семинарға Қазақстанның барлық облыстарынан 208 кітапханашы, соның ішінде Абай облысы бойынша 10 кітапханашы қатысты. Семинарға Қазақстан Республикасы Оқу-ағарту министрлігі Техникалық және кәсіптік білім департаментінің өкілі, Алматы облыстық білім басқармасының өкілі, "Балдәурен" РОСО директоры қатысып, семинарға қатысушыларға сәттілік тіледі. Семинар барысында "Колледж кітапханаларының қазіргі жағдайы", " KitapFest -2023 білім әлемінде " тақырыбтарында баяндама оқылды. "Автор ұсынған көркем әдебиет" тақырыбында авторлармен кездесу өтті. Бірнеше баспахана қызметкерлері кітап көрмелерін ұйымдастырып, шығарған кітаптарын жарнамалады. Семинарда көтерілген тақырыптар "Оқуға құштар колледж " жобасы аясында колледж кітапханасының қорын көркем әдебиет пен толықтыру, кітапханашылардың ұсынымдарын тыңдап, проблемаларын шешу болды. Үш күнге созылған семинар өз мәресіне жетті, қатысушылар кәсіби жұмыстарына қажетті көптеген мәліметтер алып қайтты.