Шығыс Қазақстан облысы Үржар ауданы Таскескен ауылы «Үржар колледжі» коммуналдық-мемлекеттік мекемесінде 0504000 «Фермер шаруашылығы» мамандығы бойынша 2021 жылы ақпанның 15-і мен 20-ы аралығында әдістемелік жұмыс жоспары бойынша "Мамандығым -келешегім" атты апталық өтті.

Мақсаты: мамандық бойынша студенттердің теориялық білімдерін жетілдіру, меңгерген білімдерін іс жүзінде қолдана білуге үйрету, кәсіби біліктілігі мен дағдыларын қалыптастырып, болашақ кәсіби маманға бағыт-бағдар беру. Болашақта ауылшаруашылық саласына еңбек ететін, бәсекеге қабілетті, білімді, білікті , іскер азаматтарды тәрбиелеу. Апталықтың жоспары бойынша арнайы пән оқытушысы Ғ.Қ. Жумадилов «Жаңадан шыққан ауылшаруашылығы машиналарымен таныстыру» тақырыбында заманауи ауылшаруашылық техникалары, олардың техникалық мінездемесі туралы видеофильм көрсетті. Оқу- өндіріс шебері Телемисов Р.Р «Доңғалақты тракторды жүргізудің тәсілдерін үйренген деңгейін тексеру» тақырыбында өндірістік ашық сабақ , «Астық комбайндары » пәнінен «Бастырғыш аппараттар» тақырыбында Ғ.Қ Жумадилов теориялық ашық сабақ өткізді. Апталыққа белсене қатысқан ІІ және ІІІ курс студенттерінің осы бір сұранысқа ие мамандықтың қыр –сырын білуге деген құштарлықтары байқалды. Апталық мақсатына жетті деген ойдамыз.