Кәсіптік бағдар беру мақсатында мектеп оқушыларына арналған лагерьдің 4-ші күні ерекше өтті. Бұл күні «Дәнекерлеу ісі» мамандығы бойынша шеберлік сағаттары өткізілді.
Шеберлік сағаттары барысында оқушылар дәнекерлеу ісінің қыр-сырларымен танысып, мамандықтың маңыздылығын тереңірек түсінді. Оқушылар дәнекерлеу процесінің техникалық аспектілерін үйреніп, қауіпсіздік ережелерін сақтау туралы ақпарат алды.
Сонымен қатар, салауатты өмір салтын насихаттау мақсатында лагерьде спорттық ойындар ұйымдастырылды. Бұл шара балалардың белсенділігін арттырып, командалық рухты дамытуға арналған тамаша мүмкіндік болды. Оқушылар түрлі спорттық жарыстарға қатысып, өзара бәсекеге түсіп, қызықты сәттерді бірге бөлісті. Спорттық ойындар барысында балалардың қуаныштары мен шаттықтары көрініп тұрды. Олар допты лақтырып, жүгіріп, түрлі міндеттерді орындап, бір-бірімен достық қарым-қатынас орнатты. Таза ауада өткізілген бұл белсенділік олардың денсаулығын нығайтып, салауатты өмір салтын ұстанудың маңыздылығын түсінуге көмектесті.