Оқу жоспарына сәйкес оқушылар бірінші курста тәжірибелік дағдыларды шеберханалар мен зертханаларда қалыптастырады. Теориялық сабақтармен қатар студенттер жаттығу полигонында техникалармен жүруді үйренеді. Өндіріс орындарына студенттер ІІІ курста шығады.

Кәсіптік іс-тәжірибе келісім шартында колледж міндеттемелері және өндіріс орындарының міндеттемелері белгіленеді. Даярланып жатқан мамандықтар бойынша кәсіптік практиканы өткізу мақсатында «Айдын-Шалқар» ШҚ , «Сұңқар» ШҚ ,  «Бақ-Тұр» ЖШС, «Карибаева А.С.» ЖК,  «Икласова С.» ЖК  және басқада әлеметтік серіктестермер келісімдер жасалып, жұмыстар жүргізілуде. Студенттердің өндірістік іс-тәжірибеден өткізу жайлы күнделіктері қаралады, өндірістік мінездемесі толтырылады. Өндірістік іс-тәжірибе жүргізілу барысында өндіріс оқыту шебері өндіріс орынындағы бекітілген жетекшілермен бірлесіп қадағалайды. Жұмыстың осы бағытта ұйымдастырылуы іс-тәжірибенің  тиімді өткізілуіне септігін тигізеді.