Пәндік олимпиадалар колледж студенттерінің пәнге деген қызығушылығын тудырумен бірге, олардың білімін бағалаудың әділ жолы болып табылады.Осы орайда «Үржар колледжі» КММ-де ақпанның 22-27 аралығында оқу-әдістемелік жұмыс жоспары бойынша директордың оқу жұмыстары жөніндегі орынбасары Альфия Майқықызы Құрақбаева мен әдіскер Жанар Кажимовна Турысбекованың ұйымдастыруымен жалпы білім беретін пәндер мен «Фермер шаруашылығы», «Тамақтандыруды ұйымдастыру», «Дәнекерлеу ісі», «Ветеринария» мамандықтары бойынша арнайы пәндерден колледжішілік олимпиада өткізілді.Жыл сайын өткізілетін олимпиадаға 80-ге жуық бала қатысты.Қашықтықтан оқып жатқан студенттер үшін олимпиада онлайн режимінде өтті

Олимпиада тапсырмалары студенттердің пәнді терең меңгеруіне, тапқырлығы мен қабілеттерін арттыруға арналған. «Жеке дарын жетілмейді, дарындар сайыса жүріп, бірін-бірі жетелейді» дегендей олимпиада қатысушыларына білімдерін сынауға мол мүмкіндік берілді.Олимпиаданың қорытындысы бойынша жоғары ұпай жинаған студенттер жүлделі орындарға ие болды.Директордың оқу жұмыстары жөніндегі орынбасары А.М.Құрақбаева олимпиадаға қатысқан студенттерге ризашылығын білдіріп,білім жолында сәттілік тіледі.