«Білімді мыңды жығады» деген атпен «Үржар колледжі» КММ-де қарашаның 8-13 аралығында оқу-әдістемелік жұмыс жоспары бойынша директордың оқу жұмыстары жөніндегі орынбасары Альфия Майқықызы Құрақбаева мен әдіскер Жанар Кажимовна Турысбекованың ұйымдастыруымен жалпы білім беретін пәндер мен «Фермер шаруашылығы», «Тамақтандыруды ұйымдастыру», «Ветеринария» мамандықтары бойынша арнайы пәндерден білім-білік дағдыларын іс жүзінде сарапқа салатын, білім сайысы – пәндік олимпиада өткізілді.Дәстүрлі түрде өткізілетін олимпиадаға 100-ге жуық бала қатысты.

Олимпиада тапсырмалары студенттердің пәнді жете меңгеруіне, тапқырлығы мен қабілеттерін арттыруға арналған. Пәндік олимпиада жеңімпаздары мен қатысушыларын директордың оқу жұмыстары жөніндегі орынбасары А.М.Құрақбаева мен әдіскер,ф.ғ.к.Турысбекова Ж.К. мақтау қағазымен марапаттап, құттықтады. Білім сайысында оқытушылардың артқан сенім биігінен көріне білген студенттерге алғыс айтып, сәттілік тіледі.